。听见厚卿一场发作，正中下怀，只见他腮边起两朵红云，眉际横一团杀气，柳眉倒竖，杏眼圆睁，大声说道：“刘大少，耐勿要勒浪摆啥格松香架子，勿要说耐格种客人，就是比仔耐再要利害点，倪也勿见得吓杀仔人。耐开口闭口说倪敲耐格竹杠，倪就算是敲耐格竹杠末哉，老实说，倪格排客人勒倪身浪用格一千、八百，三千搭仔二千洋钱，也勿算啥事体。只有耐末一格铜钱才勿肯用，寒色搂抖极杀仔人，还要说倪敲仔耐格竹杠哉。倪自然总有道理勒，好敲耐格竹杠啘。耐今朝到底那哼？说一句闲话拨倪，勿要勒浪装啥格妈虎。”

厚卿正待要走，却被张书玉翻转面皮，不遗余力的数说了一顿，只气得浑身乱抖，一句话也回答不出来；停了半晌才说出一句话来道：“你这说话真是岂有此理！难道世上没有王法的么？”一面说，一面仍想脱身走出，早被书玉抢上前劈胸揪住。正是：

爱河滚滚，大家同在沉沦；情海茫茫，何苦自寻烦恼。

不知厚卿怎生打发书玉，且待下回交代。