淘转去，倪有两声闲话要问问耐。”牛幼康听了好像没有听得的一般，站在那里动也不动一动。金小宝道：“去嗫，阿曾听见呀！”牛幼康听了，还是一个不动。气得个金小宝赶过去，伸出右手，拉住牛幼康一只耳朵，拉着便走。拉得牛幼康抱着头，叫声“阿唷坏”。

金小宝正拉着牛幼康的耳朵要走，忽然祝小春抢上前来，一手拉住牛幼康，一手拦住金小宝，高声说道：“耐是啥人介，拉仔牛大少到啥地方去？有啥闲话，好讲出来拨大家听格啘。拉拉扯扯，算啥样式介！”金小宝正一肚子的没好气，也大声说道：“倪末就是金小宝。牛大少是倪搭格客人，倪同俚转去，有闲话搭俚说，勿关耐事。用勿着耐来多管！”祝小春冷笑道：“啥人说勿关倪事介。牛大少末是倪格客人，耐要搭俚说闲话末，到俚府上去请末哉！故歇勒浪归搭末，就叫勿成功！”

说着，又对着旁边的众人说道：“唔笃大家看看，也呒拨实梗样式格啘！勒浪归搭地方，几几化化格人，动手动脚，真真面孔才勿要格哉！”金小宝听了气得大骂道：“耐格< 毛乍> 千人格烂污婊子！倪搭格客人做得好好里来浪，拨耐个烂污婊子拉仔过去，再有面孔搭倪瞎吵！”祝小春听也了大怒道：“倪是烂污婊子，耐阿是人家人呀？大家才是一样路，呒啥海外！耐说倪拉仔耐格客人，阿是倪到耐屋里去拉客呀？上海滩浪客人末，也勿是做一个倌人；倌人末，也勿是做一个客人！挂仔牌子末，只要是客人末，大家好做格。耐格客人末那哼呢？阿是耐格客人，就勿许倪做格？老实说，勿要说倪朆拉耐啥格客人，就算倪拉仔耐格客人末，耐也只好两只眼睛望望倪！耐有本事末拉牢仔客人，勿要放俚出来。故歇自家做勿牢客人，客人跳仔槽，再要说出实梗格闲话来，阿要鸭屎臭！”

金小宝听了祝小春这番说话，一时竟想不出什么话来回他，只得也骂道：“耐自家勿要面孔！拉牢仔客人勿